Shi jinping partiye ezalirini "Türlük xéyim-xeterge qarshi küresh rohini yétildürüsh" ke chaqirdi

Muxbirimiz eziz
2019-09-04
Élxet
Pikir
Share
Print

Xitay re'isi shi jinping yéqinda xitay kompartiyesini "Türlük tehditler we xéyim-xeterlerge tolghan uzaq mezgillik küresh" ke chaqirish bilen birge barliq partiye ezaliridin "Küresh rohini urghutup, bixeterlik kirizisi we maliye kirizisigha taqabil turush" ni telep qilghan.

"Blumbérg pochtisi" gézitining 3-awghust küni shinxu'a agéntliqi tarqatqan xewerdin neqil élip bayan qilishiche, shi jinping béyjingdiki kadirlarni terbiyelesh kursida "Biz duch kélidighan bu küresh uzun mezgillik küreshtur" dep körsetken.

U sözide pat yéqinda körülidighan bu qiyinchiliqlarning 2049-yiligha barghichimu dawam qilishi mumkinlikini bildürgen. Xitay hökümitining zuwani bolghan "Xelq géziti" ning 4-awghusttiki sanida shi jinpingning sözi alahide yer alghan hemde "Bir qisim béli bosh yash kadirlarning japa-musheqqetke qarshi küresh qilish rohi kemchil bolmaqta. Bu hal dawam qiliwerse partiyemiz üchün zor apetke aylinidu" dégen qurlar qoshumche qilin'ghan.

Xewerde éytilishiche, amérika-xitay otturisidiki soda urushi hemde xitay kompartiyesi duch kéliwatqan türlük "Siyasiy muqimliq mesililiri", jümlidin iqtisadiy tereqqiyatning toxtap qélishi, dölet mudapiyesi mesilisi, xongkong we teywen mesilisi qatarliqlar nöwette xitay kompartiyesining qattiq béshini aghritmaqta iken.

Melum bolushiche, nöwette xitaydiki resmiy metbu'atlarda shi jinping "Xelq dahiysi" dégen ataq bilen teswirlenmekte iken. Bu ataq bolsa eyni waqitta xitay re'isi maw zédongghila xas hörmet nami süpitide ishlitilgen iken.

Toluq bet