Xitay re'isi shi jinping téximu chong xelq'araliq taratqu qurushqa chaqirghan

• Muxbirimiz jewlan
  2021-06-02

Roytrés agéntliqining xewer qilishiche, xitay re'isi shi jinping xitay kompartiyesi muhakime yighinida söz qilip, yer sharini qaplighan téximu chong taratqu qurup, xitay hékayilirini pütün jahan'gha anglitish, pütün dunyagha “Xitayni heqiqiy, toluq namayen qilish” tesewwurini otturigha qoyghan.

Xitayning shinxu'a agéntliqi buni “Teshwiqatni kücheytip, chet elliklerge xitay kompartiyesining xitay xelqining bexti üchün küresh qiliwatqanliqini körsitish usuli” dep chüshendürgen.

Yéqinqi yillardin buyan xitay taratquliri bilen chet el taratquliri arisidiki ziddiyet küchiyip ketken bolup, xitayning axbarat wasitiliri chet ellik muxbirlarning heqiqiy xewerlirini, bolupmu Uyghurlar heqqide ishligen xewerlirini eyiblep kelgen. Xitay yeneBBC xewelirining xitay torida tarqilishini chekliwetken.

Közetchilerning qarishiche, xitay re'isi shi jinpingning bu tesewwuri xitayning heqiqiy axbarat erkinlikini cheklep, özining yalghan teshwiqatini yene bir qedem kücheytishke urunushi hésablinidiken.