Хитай рәиси ши җинпиң техиму чоң хәлқаралиқ таратқу қурушқа чақирған

Мухбиримиз җәвлан
2021-06-02
Share

Ройтрес агентлиқиниң хәвәр қилишичә, хитай рәиси ши җинпиң хитай компартийәси муһакимә йиғинида сөз қилип, йәр шарини қаплиған техиму чоң таратқу қуруп, хитай һекайилирини пүтүн җаһанға аңлитиш, пүтүн дуняға "хитайни һәқиқий, толуқ намайән қилиш" тәсәввурини оттуриға қойған.

Хитайниң шинхуа агентлиқи буни "тәшвиқатни күчәйтип, чәт әлликләргә хитай компартийәсиниң хитай хәлқиниң бәхти үчүн күрәш қиливатқанлиқини көрситиш усули" дәп чүшәндүргән.

Йеқинқи йиллардин буян хитай таратқулири билән чәт әл таратқулири арисидики зиддийәт күчийип кәткән болуп, хитайниң ахбарат васитилири чәт әллик мухбирларниң һәқиқий хәвәрлирини, болупму уйғурлар һәққидә ишлигән хәвәрлирини әйибләп кәлгән. Хитай йәнәBBC хәвәлириниң хитай торида тарқилишини чәкливәткән.

Көзәтчиләрниң қаришичә, хитай рәиси ши җинпиңниң бу тәсәввури хитайниң һәқиқий ахбарат әркинликини чәкләп, өзиниң ялған тәшвиқатини йәнә бир қәдәм күчәйтишкә урунуши һесаблинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт