Америка шималий корейәниң водрот бомба ясиғанлиқиға гуман билән қарайдиғанлиқини билдүрди

Мухбиримиз җүмә
2016-01-06
Share

Чаршәнбә күни шималий корейәниң тунҗи водрот бомбиси синақ қилғанлиқи хәвәр қилинғандин кейин, америка даирилири шималий корейәниң бундақ бир бомба ясиғанлиқиға гуман билән қарайдиғанлиқини билдүрди.

Ақсарай баянатчиси җош ернист чаршәнбә күни елан қилған баянатида америка һөкмитиниң шималий корейәниң йәр астики һәрикитини үстидин елип барған дәсләпки анализи шималий корейәниң водрот бомбисини синақ қилмиғанлиқини көрситидиғанлиқини илгири сүрди.

Шималий корейә чаршәнбә күни бир “водрот бомбисини йәр астида нәтиҗилик синақ қилған” лиқини билдүргән.

Америка йәр тәврәшни өлчәш идарисиниң хәвәр қилишичә, шималий корейәниң шәрқий шималидики суңҗибаәгам райониниң йәр астида 5.1 Бал йәр тәврәш көрүлгән. Бу дәл шималий корейә“бомба синидуқ” дегән вақитқа тоғра келидикән.

CNN Ниң хәвәр қилишичә, шималий корейә өзи дегәндәк водрот бомбиси синақ қилмиған болсиму, бәлким башқа түрдики бир һидроген бомбиси синақ қилған болуши мумкин икән.

Хәвәрдә мутәхәссисләрниң ейтқанлиридин нәқил елип көрситишичә, йәр тәврәш дәриҗиси шималий корейә 2013-йили плутоний бомбиси синақ қилғандики силкиниш билән охшаш икән.

Ақсарай баянатчиси җош ернист америка һөкүмитиниң шималий корейәниң һәрбий вә техника иқтидариға бәргән мөлчәрини өзгәртидиған һечқандақ һадисә йүз бәрмигәнликини билдүрди.

У йәнә америка даирилириниң мәзкур мәсилә үстидә давамлиқ тәкшүрүш елип баридиғанлиқини ейтти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт