Америка хитайни шималий корейә билән болған сода алақисини үзүшкә чақирди

Мухбиримиз ирадә
2016-01-07
Share

Америка хитайни шималий корейә билән қиливатқан сода алақисини тохтитишқа чақирди. Ройтерс агентлиқиниң хәвәр қилишичә, бүгүн америка дөләт ишлири министири җон керрий хитай ташқи ишлар министири ваң йи билән телефон сөһбити өткүзгәндә, хитайниң нәччә вақиттин бери шималий корейәгә йүргүзгән сияситиниң мәғлуп болғанлиқини билдүргән вә хитай тәрәпни шималий корейә билән болған барлиқ иқтисадий мунасивәтлирини үзүшкә чақирған.

Шималий корейә 6-январ күни өзиниң водрот бомбиси синақ қилғанлиқини җакарлиған. Бу б д т, америка, җәнубий корейә, японийә вә шундақла хитайниң күчлүк әйиблишигә учриған. Б д т болса шималий корейәниң бу һәрикитигә қарита җаза тәдбири алидиғанлиқини ейтқан. Америка дөләт мәҗлисиму шималий корейәгә қаритилған җаза тәдбирлирини йәниму чиңитишқа алақидар тәдбирләр үстидә ойлинидиғанлиқини билдүргән иди.

Ройтерсниң ейтишичә, хитай шималий корейәниң әң чоң сода шерики болуп, шималий корейәниң експорт қилинидиған маллириниң 90 пирсәнтини хитай сетивалидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт