Amérika xitayni shimaliy koréye bilen bolghan soda alaqisini üzüshke chaqirdi

Muxbirimiz irade
2016-01-07
Share

Amérika xitayni shimaliy koréye bilen qiliwatqan soda alaqisini toxtitishqa chaqirdi. Roytérs agéntliqining xewer qilishiche, bügün amérika dölet ishliri ministiri jon kérriy xitay tashqi ishlar ministiri wang yi bilen téléfon söhbiti ötküzgende, xitayning nechche waqittin béri shimaliy koréyege yürgüzgen siyasitining meghlup bolghanliqini bildürgen we xitay terepni shimaliy koréye bilen bolghan barliq iqtisadiy munasiwetlirini üzüshke chaqirghan.

Shimaliy koréye 6-yanwar küni özining wodrot bombisi sinaq qilghanliqini jakarlighan. Bu b d t, amérika, jenubiy koréye, yaponiye we shundaqla xitayning küchlük eyiblishige uchrighan. B d t bolsa shimaliy koréyening bu herikitige qarita jaza tedbiri alidighanliqini éytqan. Amérika dölet mejlisimu shimaliy koréyege qaritilghan jaza tedbirlirini yenimu chingitishqa alaqidar tedbirler üstide oylinidighanliqini bildürgen idi.

Roytérsning éytishiche, xitay shimaliy koréyening eng chong soda shériki bolup, shimaliy koréyening éksport qilinidighan mallirining 90 pirsentini xitay sétiwalidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet