Shimaliy koriyening bashqurulidighan bomba siniqi meghlup boldi

Shimaliy koriye shenbe küni yene bir qétim ottura musapiliq bashqurulidighan bomba siniqi élip bérip, meghlup bolghan. Qoyup bérilgen bashqurulidighan bomba nishan'gha yetmeyla partlap ketken.

Amérika hawa armiyisi terep shenbe küni chüshte mezkur bashqurulidighan bomba siniqini séziwalghan bolsimu, biraq buning shimali amérikigha héchqandaq tehdit élip kélelmeydiganliqini bildürgen.

B b s agéntliqining xewer qilishiche, jenubiy koriye terep shimaliy koriyening shenbe künidiki bashqurulidighan bomba sinaq qilishqa urunushini qattiq eyiblep, buning b d t bixeterlik kéngishining qararigha xilap ikenlikini körsetken.

Amérika awazining xewer qilishiche, amérika déngiz armiye qomandanliq shitabi we dölet mudapi'e ministirliqi amérikining shimali koriyening bu qétimqi we yéqinqi waqitlarda élip barghan rakéta sinaqlirini qattiq eyibleydighanliqini bildürgen.

Shimali koriyening bu qétimqi bashqurulidighan bomba qoyup bérilgen jay xitaygha yéqin idi. Bu xewer xitay metbu'atliri teripidinmu xewer qilinsimu, emma béyjing héchqandaq tenqidiy pozitsiyisini bildürmigen.