Béyjingda "Shinjangning tereqqiyati" namidiki axbarat élan qilish yighini ötküzülgen

Muxbirimiz qutlan
2016-05-18
Élxet
Pikir
Share
Print

Xitay muxbirlar jem'iyiti 18-may küni 90 - qétimliq chay söhbiti uyushturup, "Shinjangning tereqqiyati" namidiki axbarat élan qilish yighini ötküzgen.

Shinxu'a agéntliqining ilgiri sürüshiche, Uyghur aptonom rayonluq ijtima'iy penler akadémiyesining bashliqi wu fuxu'en axbarat élan qilish yighinida xitay we chet'ellik muxbirlarning so'allirigha jawab bergen.

Xewerde déyilishiche, wu fuxu'en "Shinjangning tereqqiyati" namliq bu témida muxbirlarning so'aligha jawab bérip, 60 yildin buyan Uyghur aptonom rayonidiki xelqning kiyimi pütün, qorsiqi toq boldi, ma'arip we dawalinish jehette kapaletke ige boldi, dégen. U yene Uyghur élidiki millet we din mesililiri boyiche soralghan so'allargha "Omumiy jehettin éytqanda shinjangdiki milletler munasiwitini inaq we muqim déyishke bolidu," dégen müjmel jawabni bergen.

Mezkur axbarat élan qilish yighinida wu fuxu'en Uyghur élining iqtisadiy tereqqiyati, bolupmu rayonning asasiy eslihe qurulushi jehettiki tereqqiyati heqqide köp sözligen bolsimu, lékin Uyghur élidiki sezgür téma bolghan millet, din, aptonomiye hoquqi we "Qosh tilliq ma'arip" qatarliq mesililerde xitay hökümiti dep kelgen burunqi kona muqamlarni yene tekrarlighan.

Aldinqi küni dunya Uyghur qurultiyi "2016-Yilliq kishilik hoquq doklati" élan qilip, xitay hökümitining Uyghur élida yürgüzüwatqan kishilik hoquq buzghunchiliqlirini qattiq tenqid qildi.

Toluq bet