Shöhret zakir bu yil jenubtiki Uyghurlargha “Dölet tili” we “Emgek maharet terbiyesi” ning kücheytilidighanliqini bildürdi

Muxbirimiz erkin
2021.02.01

Xelqarada Uyghurlargha “Irqiy qirghinchiliq” élip bérish bilen eyibliniwatqan xitay hökümiti Uyghur élining jenubidiki oblast we wilayetlerde “Dölet ortaq tili” we “Emgek maharet terbiyesi” ni kücheydighanliqini bildürgen. Uyghur apotonom rayonining re'isi shöhret zakirning 1-féwral Uyghur aptonom rayonluq 13-nowetlik xelq qurultiyining 4-qétimliq yighinida bergen xizmet doklatida tekitlishiche, hökümet “Bu yil jenubtiki bir oblast 3 wilayettiki déhqan-charwichilargha qarita dölet ortaq tili we emgek maharet terbiyesini nuqtiliq ching tutudiken.”

Xitay hökümiti 2017-yilidin béri Uyghur élining jenubidiki Uyghur yéza-kentliride nurghun xitay mikro karxanilirini qurup, Uyghur-déhqan charwichilirini bu karxanilarda erzan bahaliq emgek küchi supitide mejburiy ishlitishke bashlighan. Kishilik hoquq teshkilatlirining bildürüshiche, “Namratliqni tügitish” namidiki bu programmisida yüz minglighan Uyghur déhqan-charwichilirining a'ile igiliki weyran bolup, bu karxanilargha baghliq mejburiy emgek küchlirige aylan'ghan.

Buning bilen gherb elliride bu karxanilarda ishlepchirilghan mejburiy emgek mehsulatlirini import qilishni cheklesh herkiti qozghilip, amérika, kanada, en'giliye qatarliq döletler bu mehsulatlarni chekligen idi. Shohret zakirning bildürüshiche, 2025-yiligha qeder Uyghur élidiki nupusning sheher-bazarlishish nisbitining 60 pirsentke yetküzülidiken. U qeshqer bilen ghuljani merkez qilghan sheherlishishning chégra boyidiki rayonlargha qarap kéngeytilidighanliqi, Uyghur élining bu yil yene 200 milyon xitay sayahetchi kütüwalidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.