Қорчақ рәис шөһрәт закирниң техичә хитай компартийәси мәркизий комитетиниң әзаси әмәслики мәлум болмақта

Хитай һөкүмәт таратқулири бу йил 10-айниң 26-күнидин 29-күнигичә хитай компартийәсиниң 18-нөвәтлик 5-омумий йиғинини ачидиғанлиқини хәвәр қилған.

Анализчилар мәзкур йиғинда хитай компартийәси мәркизий комитетиниң бир қисим әзалири вә кандидат әзалириниң толуқлинидиғанлиқини илгири сүрмәктә.

Мәлум болушичә, уйғур аптоном районниң йеңидин тәйинләнгән рәиси шөһрәт закир техичә хитай компартийәси мәркизий комитетиниң әзаси яки кандидат әзаси әмәскән.

Бу әһвал хитайниң 1955-йилидин буян уйғур аптоном райониға тәйинлигән рәислириниң сиясий орни билән селиштурғанда рошән пәрқни һасил қилған. Хитай һөкүмити уйғур аптоном райониға тәйинлигән рәисләр ичидә сәйпидин әзизи хитай компартийәси сиясий бюросиниң кандидат әзаси болған. Униңдин кейинки рәисләр изчил һалда хитай компартийәси мәркизий комитетиниң әзаси яки кандидат әзаси болуп кәлгән.

Көзәткүчиләр, шөһрәт закирға техичә хитай компартийәси мәркизий комитетиниң әзаси яки кандидат әзасилиқ сиясий салаһийәтниң берилмигәнлики униң әмәлийәттә бир қорчақ рәис икәнликини көрситип бериду, дәп қаримақта.