Qorchaq re'is shöhret zakirning téxiche xitay kompartiyesi merkiziy komitétining ezasi emesliki melum bolmaqta

Xitay hökümet taratquliri bu yil 10-ayning 26-künidin 29-künigiche xitay kompartiyesining 18-nöwetlik 5-omumiy yighinini achidighanliqini xewer qilghan.

Analizchilar mezkur yighinda xitay kompartiyesi merkiziy komitétining bir qisim ezaliri we kandidat ezalirining toluqlinidighanliqini ilgiri sürmekte.

Melum bolushiche, Uyghur aptonom rayonning yéngidin teyinlen'gen re'isi shöhret zakir téxiche xitay kompartiyesi merkiziy komitétining ezasi yaki kandidat ezasi emesken.

Bu ehwal xitayning 1955-yilidin buyan Uyghur aptonom rayonigha teyinligen re'islirining siyasiy orni bilen sélishturghanda roshen perqni hasil qilghan. Xitay hökümiti Uyghur aptonom rayonigha teyinligen re'isler ichide seypidin ezizi xitay kompartiyesi siyasiy byurosining kandidat ezasi bolghan. Uningdin kéyinki re'isler izchil halda xitay kompartiyesi merkiziy komitétining ezasi yaki kandidat ezasi bolup kelgen.

Közetküchiler, shöhret zakirgha téxiche xitay kompartiyesi merkiziy komitétining ezasi yaki kandidat ezasiliq siyasiy salahiyetning bérilmigenliki uning emeliyette bir qorchaq re'is ikenlikini körsitip béridu, dep qarimaqta.