Sichüenning lyangjung shehiride ochuq meydan soti échilghan

Muxbirimiz shöhret hoshur
2016-03-16
Share


Xitayche boshön torining xewer qilishiche, 16 - mart küni sichüenning lyangjung shehiride ochuq meydan soti échilip, hökümet xizmitige tosqunluq qildi dep eyiblen'gen 4 kishi üstidin höküm élan qilin'ghan. Süretlik halda bérilgen bu ochuq meydan sotining xewiri oqurmenlerning téz diqqitini tartti. Xewerge yézilghan inkaslarda sot sheklining medeniyet inqilabi dewrige a'it ikenliki eskertilip, mezkur sot da'iriliri we sheher bashliqlirining bu qanunsiz we medeniyetsiz qilmishi sewebidin wezipisidin élip tashlinishi kérekliki tekitlendi.

Melum bolushiche bu ochuq meydan sotining xitay ölkiliride medeniyet inqilabidin kéyin tunji qétim échilishidur, emma Uyghur rayonida 2014 - yili 6 - ayda bashlan'ghan bir yil qattiq zerbe bérish dolqunida, pütün nahiyelerde arqa - ariqidin ochuq meydan sotliri échilghan, sotlargha teweliktiki 10 minglarche kishi mejburiy qatnashturulghan؛ mehkumlar sot meydanigha chiqishtin awwal kocha aylandurulup Uyghur jem'iyitige tehit sélin'ghan idi. Emma bu ehwal, xitay we Uyghur rayonidiki meyli da'iriler, meyli axbarat orunliri teripidin héchqandaq tenqidke uchrimighan, eksiche normal bir qanuniy tertip süpitide xewer qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet