Мисир айродромида тутуп қелинған сидиқулла нурмәмәт қоюп берилгән

Мухбиримиз әркин
2019-10-28
Share

Өткән һәптә сәуди әрәбистан даирилири тәрипидин қайтуруветилип, мисирниң қаһирә айродромида тутуп қелинған сидиқулла нурмәмәтниң қоюп берилгәнлики илгири сүрүлди. Сидиқулла нурмәмәт 23‏-өктәбир қаһирәдин учуп сәуди әрәбистанниң җиддий шәһиригә қонғанда, чегридин киргүзүлмигән. У, шу күни мисирға қайтуруветилип, қаһирә айродромиға қайтип кәлгәндә тутуп қилинғаниди. Униң қаһирәдә тутуп қелиниши униң сәуди әрәбистандики уруқ-туғқанлирида вә кишилик һоқуқ тәшкилатлирида, сидиқулла хитайға қайтуруветиләмду? дегән әндишә қозғиғаниди. Лекин униң сәуди әрәбистандики уруқ-туғқанлириниң 27‏-өктәбир радийомизға билдүрүшичә, у йәкшәнбә күни қоюп берилип, униң 3 айлиқ мисирда турушиға рухсәт қилинған. Лекин, униң 3 айдин кейинки әһвалиниң қандақ болидиғанлиқи мәлум әмәс.

Хитай һөкүмити 2017‏-йили 7‏-айда мисирдики уйғурларни кәң көләмлик тутқун қилип, бир қисим уйғурларни хитайға қайтуруп бәргән. Мисир һөкүмитиниң бу һәрикити кишилик һоқуқ тәшкилатлириниң вә америка башчилиқидики ғәрб дөләтлириниң қаттиқ тәнқидигә учримиған. 1989‏-Йили хотәндә туғулған сидиқуллаһ нурмәмәт 2014‏-йили мисирға келип, әзһәр университетиға оқушқа киргән. У 2017‏-йилдики тутқундин кейин мисирда йошурунуп яшаватқаниди. Мәлум болушичә, сидиқулланиң бу қетим қаһирә айродромида тутуп қелинишиға б д т мусапирлар мәһкимиси арилашқан. У илгири б д т мусапирлар мәһкимисигә илтимас сунуп, уларниң мусапирлиқ салаһийитигә еришкән икән. Униң сәуди әрәбистандики уруқ-туғқанлири телефон арилиқ билдүрүшичә, у илгири сәуди әрәбистанға келип бақмиған болсиму, лекин у айродромға қонғанда сәуди таможна хадими униң бурун сәуди әрәбистанға бир қетим кәлгәнлики, шуниң униң хитайға охшимайдиғанлиқини илгири сүрүп, сәудиға киришини рәт қилған вә қаһирәгә қайтурувәткән. Униң қаһирә айродромиға чүшүпла сәудидики уруқ-туғқанлири билән болған алақиси үзүлгәниди. Униң сәудидики тағисиниң мухбиримизға билдүрүшичә, сидиқулла йәкшәнбә күни униңға телефон қилип, өзиниң қоюп берилгәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт