Bundin kéyinki siyasiy basturushning téximu yuqiri sewiyege kötürülüshidin bésharet bérilmekte

Muxbirimiz eziz
2019-10-08
Share

Yéqinda béyjingdin qaytip kelgen Uyghur aptonom rayonluq partkomning sékrétari chén chüen'go 7-öktebir küni ürümchide Uyghur aptonom rayonluq partkomning kéngeytilgen yighinini chaqirghan.

"Tengritagh tori" ning bu heqtiki xewiride éytilishiche, yighinda xitay kompartiyesi sékrétari shi jinpingning xitay xelq jumhuriyiti qurulghanliqini 70 yilliq xatirisi üchün ötküzülgen herbiy paratta sözligen sözining rohini öginish telep qilin'ghan. Shuning bilen birge Uyghur diyaridiki her sahe "Töt tonush", "Töt ishench" qarishini kücheytish bilen birge "Ikkini himaye qilish", "Partiye qurulghan yüz yil we dölet qurulghan yüz yil" nishani üchün téximu zor estayidilliq bilen xizmet qilishqa chaqirilghan.

Xewerde buning "Kompartiyening yéngi dewrdiki shinjangni idare qilish istratégiyesini ijra qilish, ijtima'iy muqimliq we uzaqqa sozulghan eminlik berpa qilishtek bash nishan" ning bir qismi ikenliki, buning bolsa "Jungxu'a millitining zor güllinishi" ge qoshulghan töhpe bolidighanliqi alahide eskertilgen.

Nöwette chén chüen'goning bu qétimqi béyjing sepiride xitay re'isi shi jinpingdin qandaq yolyoruqlarni élip kelgenliki heqqide türlük texminler otturigha chiqmaqtiken. Bu qétimqi mexsus yighinni beziler xitay hökümitining Uyghurlar diyarida bundin kéyin qilmaqchi bolghan ishlirining aldin jakarlinishi, dep qarawatqan bolup, amérikadiki Uyghur pa'aliyetchilerdin amérika Uyghur birleshmisi re'isi élshat hesen: "Bu yighinning qararliri xitay hökümitining Uyghurlargha qaratqan siyasetlirining buningdin kéyin téximu chingiyip mangidighanliqidin bésharet" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet