Amérika Uyghur kishilik hoquq programmisi: Uyghur siyasiy mehbuslar untulmisun

10-Dékabir“Dunya kishilik hoquq küni” munasiwiti bilen amérika Uyghur kishilik hoquq programmisi bayanat élan qilip, dunya jama'etchilikini Uyghur siyasiy mehbuslarning ehwaligha diqqet qilishqa we ularning qoyup bérilishi üchün heriket élip bérishqa chaqirdi.

Ilham toxti, gheyret niyaz, atikem rozi, mutellip imin, hüseyin jélil, abdurazaq shemshidin, ekber imin we merdan séyitaxun qatarliq 8 neper siyasiy mehbusning isimliki we ish-izliri tilgha élin'ghan bayanatta, bu kishilerning oxshimighan siyasiy köz qarash we meydanini ipadiligenliki üchünla bügün türmide yétiwatqanliqi eskertildi.

Amérika Uyghur kishilik hoquq programmisi yéqinda Uyghur siyasiy mehbuslar heqqide mexsus doklat hazirlighan idi.

Teshkilat tor bétide élan qilin'ghan bügünki bayanatida, hésdashliq qilghuchi we qollighuchilarni mezkur siyasiy mehbuslarning qoyup bérilishi üchün xitay dölet rehberlirige mektup yollashqa we imza toplashqa dewet qildi.

Teshkilat bayanatida yene, xelq'ara jama'etning Uyghur siyasiy mehbuslarni untumaydighanliqini xitay terepke eslitip turushning zörürlükini tekitlidi.