Sofiye richardson b d t gha eza döletlerni Uyghurlar üchün birdek awaz chiqirishqa dewet qildi

Xelq'ara kishilik hoquqni közitish teshkilati xitay ishliri komitétining diréktori sofiye richardson xanim bügün mezkur teshkilatning tor bétide bayanat élan qilip, b d t gha eza döletlerni 15‏-mart küni b d t da ötküzülidighan xitayning kishilik hoquq xatirisige qarap chiqish yighinida xeter astida yashawatqan Uyghurlar üchün ortaq awaz chiqirishqa dewet qildi.

Xitayning hazirgha qeder kishilik hoquq weziyiti heqqidiki tekliplerni “Xitayning emeliyitige yat, xitay qanunlirigha xilap we heqqaniy emes” dep ret qilip kelgenliki eskertilgen mezkur bayanatta bu xil pozitsiyening xitayning b d t kishilik hoquq yighinigha qatnishish niyitining durus emeslikini, b d t kishilik hoquq komitétining rolini inkar qilish niyitide boluwatqanliqini ashkarilan'ghanliqi eskertilgen.

Xitayning nöwette Uyghur rayondiki éghir kishilik hoquq depsendichiliklirini yenila dawamlashturush koyida boluwatqanliqi eskertilgen bu bayanatta eger b d t gha eza döletler bu qétimqi pursetni ching tutup birdek awaz chiqarsa, Uyghurlarni xeterdin qutuldurushta kéchikken bolmaydighanliqi tekitlen'gen.