Вилсон мәркизи сабиқ совет иттипақиниң 1936-йили чиқарған қумул вә ақсуда сода вакаләтчилирини көпәйтиш һәққидики һөҗҗитини елан қилған

Баш шитаби вашингтондики вилсон мәркизи йеқинда сабиқ совет компартийәси мәркизий комитетиниң 1936-йили чиқарған уйғур дияриға даир бир парчә мутләқ мәхпий һөҗҗитини русчидин ингилизчиға тәрҗимә қилип елан қилған.

Мәзкур һөҗҗәттә совет иттипақиниң уйғур дияриниң қумул вә ақсу вилайәтлиридә сода даирисини кеңәйтмәкчи болғанлиқи һәмдә бу җайлардики совет сода вакаләтчилирини көпәйтидиғанлиқи илгири сүрүлгән.

Һөҗҗәттә йәнә сабиқ совет иттипақи билән сабиқ шинҗаң өлкилик һөкүмәтниң һәмкарлиқидики совсинторг ширкитиниң қумул вә ақсу районида мал сақлаш искилатлири қуруш тоғрилиқму қарар елинған.

Мәлумки, сабиқ совет иттипақиниң 1930-йилларда уйғур дияри билән болған сода мунасивити көпрәк или, тарбағай, алтай вә қәшқәр қатарлиқ чегра вилайәтлиригә мәркәзләшкән иди.

Тарихшунаслар, мәзкур һөҗҗәт совет иттипақиниң әйни вақитта уйғур дияриниң қумул вә ақсу вилайәтлиридиму сода чәмбирики шәкилләндүрүшкә урунғанлиқини көрситип бериду, дәп қаримақта.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар