Wilson merkizi sabiq sowét ittipaqining 1936-yili chiqarghan qumul we aqsuda soda wakaletchilirini köpeytish heqqidiki höjjitini élan qilghan

Muxbirimiz qutlan
2017-03-04
Share


Bash shitabi washin'gtondiki wilson merkizi yéqinda sabiq sowét kompartiyesi merkiziy komitétining 1936-yili chiqarghan Uyghur diyarigha da'ir bir parche mutleq mexpiy höjjitini ruschidin in'gilizchigha terjime qilip élan qilghan.

Mezkur höjjette sowét ittipaqining Uyghur diyarining qumul we aqsu wilayetliride soda da'irisini kéngeytmekchi bolghanliqi hemde bu jaylardiki sowét soda wakaletchilirini köpeytidighanliqi ilgiri sürülgen.

Höjjette yene sabiq sowét ittipaqi bilen sabiq shinjang ölkilik hökümetning hemkarliqidiki sowsintorg shirkitining qumul we aqsu rayonida mal saqlash iskilatliri qurush toghriliqmu qarar élin'ghan.

Melumki, sabiq sowét ittipaqining 1930-yillarda Uyghur diyari bilen bolghan soda munasiwiti köprek ili, tarbaghay, altay we qeshqer qatarliq chégra wilayetlirige merkezleshken idi.

Tarixshunaslar, mezkur höjjet sowét ittipaqining eyni waqitta Uyghur diyarining qumul we aqsu wilayetliridimu soda chembiriki shekillendürüshke urun'ghanliqini körsitip béridu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.