Вилсон мәркизи москваниң 1947-йили ғулҗа һөкүмитини қайта қоллашқа аит һөҗҗитини елан қилди

Мухбиримиз үмидвар
2017-03-12
Share

Америкадики водров вилсон мәркизи йеқинда елан қилған совет иттипақиниң 1934-1949-йиллири арисидики уйғур дияриға қаратқан сияситигә мунасивәтлик архип материяллири қатарида совет иттипақи компартийиси мәркизи комитетиниң 1947-йили, уйғур дияриниң ишлириға қайтидин көңүл бөлүп, мәхсус хадимлирини әвәтиш қарариға аит бир парчә һөҗҗити орун алған.

Бу һөҗҗәт мәзкур қарарни ишқа ашуруш үчүн әвәтилидиған хадимларни бекитишкә мәсул болған әйни вақиттики совет иттипақи информатсийә комитетиниң муавин рәислик вәзиписини өтигән пийотир федотовниң мәзкур комитетниң рәиси вичислав молотовқа

Әвәткән 1947-йили, 10-сентәбир күнидики мәхпий телеграммисидур.

Бу телеграммидин мәлум болушичә, федотов «шинҗаңда тәшкили ишларни елип бериш үчүн» генерал майор владимир степанович егнаровни көрсәткән болуп, у егнаровниң 1945-1946-йиллири ғулҗа аһалисиниң хитайға қарши һәрбий һәрикәтлири вә сөһбәтлириниң сиясий тактикилириға йетәкчилик қилғанлиқи, униң «шинҗаңдики вәзийәт вә адәмләрни яхши билидиған, разведка вә һәрбий мәсилиләрдә тәҗрибилик икәнлики»ни чүшәндүргән

Федотов йәнә генерал егнаровқа муавин сүпитидә полковник петир шибайевни, йәни совет иттипақи дөләт бихәтәрлик министирлиқиниң йирақ шәрқ бөлүминиң башлиқини әвәтишни тәвсийә қилған. Бу киши илгири егнаров билән биргә ғулҗада ишлигән хадим иди.

У йәнә өзбекистан компартийисиниң секретари осман йүсүповниң өзбекләрдин 15-20 ғичә адәмни таллап,йәрлик милләт кишилири қияпитидә ғулҗаға әвәтиши, бу кишиләрниң вәзиписиниң мәхпий қорал тошуш вә тошулған қоралларни назари қилиш болуши икәнликини тәкитлигән.

Мәлум болушичә, совет иттипақи компартийисиниң мәзкур қарари 1947-йили 8-айда әхмәтҗан қасими қатарлиқ или тәрәп вәкиллири үрүмчидин ғулҗаға кәткән вә бирләшмә һөкүмәт бузулуп, гоминдаң билән ғулҗа һөкүмити арисидики вәзийәт қайтидин җиддийләшкән пәйткә тоғра кәлгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт