Сам бровенбек: «хитайниң шинҗаңда сүний әқил техникисини ишлитиши келәчәктики бастурушниң ишаритидур»

Мухбиримиз әркин
2019-08-12
Елхәт
Пикир
Share
Принт

Америка ташқи ишлар министирлиқиниң хәлқара диний әркинлик баш әлчиси сам бровенбек хитайниң уйғур районида сүний әқил вә д н а техникисини ишлитишиниң келәчәктә уйғурларни бастуруштики бир җиддий сигнал икәнликини көрсәткән. Бровенбек бу сөзләрни японийә «никкей» агентлиқиниң зияритини қобул қилғанда тәкитлигән.

У уйғурларниң нөвәттики вәзийитиниң «заманиви дәврдики бир трагедийә вә мисли көрүлүп бақмиған һадисә» икәнликини әскәртип, хитайниң инсанларни назарәт қилидиған юқири техникилиқ бир система қурғанлиқи, пүтүн хәлқниң д н а үлгисини топлиғанлиқи, уларниң йөткилишини чәкләйдиған бир иҗтимаий кридит системиси бәрпа қилғанлиқини тәнқидлигән. Униң илгири сүрүшичә, бу система сәвәблик хитай кәлгүсидә чәткә қеқилған техиму көп адәмләр топини пәйда қилидикән.

Сам бровенбек иҗтимаий кридити начар кишиләрниң бәзи җайларға сәпәр қилалмайдиғанлиқи, бәзи ишларға орунлишалмайдиғанлиқини билдүрүп, «бу система шу кишиләрни иқтисади вә мәдәнийәт паалийәтләргә қатнишалмай чәттә қелишиға елип бариду» дегән. У йәнә нөвәттә уйғур районида бир милйондин артуқ инсанниң тутуп туруш лагерлириға қамалғанлиқи һәққидә тохтилип, америкиниң қолида ғайиб болған уйғурларниң тизимлики барлиқини, хитайниң бу кишиләрни дәрһал қоюветиши керәкликини билдүргән. Бровенбек йәнә хитайниң уйғурларни бастурушиға иштирак қиливатқан хитай ширкәтлирини җазалаш мәсилиси һәққидиму тохталған. Униң илгири сүрүшичә, бу ширкәтләр «һәр вақит күнтәртипни игиләп туруватқан» болуп, «һәр хил еһтималлиқ мәвҗут» икән.

Пикирләр (0)
Share
Толуқ бәт