"Sherqiy türkistan sürgün hökümiti diplomatiye we kishilik hoquq ishxanisi" erdughanning xitay ziyaritige inkas qayturdi

Muxbirimiz jüme
2015-08-01
Élxet
Pikir
Share
Print


Kanadada tizimgha aldurulghan"Sherqiy türkistan sürgün hökümiti diplomatiye we kishilik hoquq ishxanisi" bayanat élan qilip, türkiye prézidénti erdughanning xitay ziyaritige inkas qayturdi.

Ular bayanatida xitay hökümitining Uyghurlarning barliq qarshiliq heriketlirini térrorizm bilen baghlaydighanliqi, shunga erdughanning xitayning talmish"Sherqiy türkistan islamiy herikiti" ge qarshi küreshlirini qollaydighanliqini bildürüshi, xitayning Uyghurlargha qaratqan basturush herikitini qollighanliq bolidighanliqini körsetti.

Bayanatta mundaq déyilgen: "Emeliyette xitay Uyghurlarning sherqiy türkistandiki barliq qarshiliq heriketlirini ' sherqiy türkistan islamiy herikiti' ge baghlap, özining Uyghurlargha qaratqan irqiy tazilash herikitini aqlashqa urunup keldi."

Bayanatta yene Uyghur élide yüz bergen qarshiliqlarning atalmish "Sherqiy türkistan islamiy herikiti" bilen héch alaqisi yoqluqi, bularning hemmisini xitayning Uyghurlargha qaratqan zulum siyasiti keltürüp chiqarghanliqi bildürülgen.

"Sherqiy türkistan sürgün hökümiti diplomatiye we kishilik hoquq ishxanisi" bu yil 21 - iyul kanadada resmiy ene aldurulghan idi.

Erdughan türkiyede xitayning Uyghur siyasiti tüpeyli qozghalghan xitaygha qarishi naraziliq keypiyati taza pellige chiqqan mezgilde xitayda ikki künlük dölet ziyaritide bolghan.

Uning xitay ziyaritide soda mesilisi asasliq salmaqni igiligen idi.

Türkiye chet'ellerge hijret qilip chiqqan Uyghurlar eng köp panahlan'ghan döletlerning biri bolush süpiti bilen 2014 - yili martén bashlap taylandta azab chekken Uyghur musapirlargha biwasite yardem qolini uzatqan birdin bir dölet idi.

Toluq bet