Sürgündiki tibet hökümiti donald trampni tibet-xitay söhbitini qollashqa chaqirdi

Muxbirimiz irade
2017-02-14
Share

Sürgündiki tibet hökümitining bash ministiri lobsang san'gay amérika prézidénti donald trampni tibet-xitay söhbitini qollashqa chaqirdi. Birleshme agéntliqining xewer qilishiche, lobsang sanggay düshenbe küni yaponiyede muxbirlargha qilghan sözide, tibet-xitay di'alogini ishqa ashurush mesiliside tibetliklerning tramp hökümitidin kütüwatqan ümidining zorluqini bildürgen.

Ilgiriki obama hökümitimu "Bir junggo" siyasitini qollash bilen birge, xitay hökümitini tibet hökümiti wekilliri bilen söhbetke olturup, ikki terep arisidiki mesilini tinch yol bilen hel qilishi kérekliki, buning üchün di'alogning shertlikini otturigha qoyup kelgen. Biraq, xitay hökümiti hazirghiche bu telepke yéqin kelmigen idi.

Lobsang sanggay sözide, ikki terep di'alogini ishqa ashurush xizmitini dawam qilishning muhimliqini tekitlep "Bundaq mesililerning hel bolushida amérika hökümitining pozitsiyisi zor rol oynaydu" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet