Süriyediki bombardimandin qutquzuwélin'ghan 5 yashliq ösmür omran süriyediki insanliq krizisining yéngi yüzini échip berdi

Muxbirimiz irade
2016.08.18
Share on WhatsApp
Share on WhatsApp

Charshenbe küni süriyening aleppo shehiridiki bombardimanda yarilan'ghan 5 yashliq ösmür omranning topa-chang we qan'gha milan'ghan halda qutquzush aptomobilida tartilghan süriti küchlük munazire qozghap, süriyede dawam qiliwatqan insanliq krizisining yene bir simwoligha aylandi.

S n n téliwizisiyining xewiridin qarighanda, süriyediki öktichi küchler bilen süriye armiyisi süriyediki muhim sheherlerning biri bolghan aleppo shehirining kontrolluqini qoligha élish üchün élishiwatqan bolup, charshenbe küni axsham sa'etliride élip bérilghan bombardimanning süriye hökümiti armiyisi yaki süriye armiyisini qollawatqan rus armiyisi teripidin élip bérilghanliqi hazirche éniq emes iken. 5 Yashliq omran bombardimandin kéyin qutquzush ishlirigha qatnashqanlar teripidin éghir zexim körgen bir binaning balkonida péshanisidin yarilan'ghan halda bayqalghan. Melum bolushiche, uning 1 yashliq, alte yashliq we 11 yashliq qérindashliri we ata-anilirimu birlikte qutquzuwélin'ghan.

Bügün omranning qorqup ketken halda olturghan bu süriti dunyadiki barliq metbu'atlarda élan qilindi we shundaqla ijtima'iy tor betlerde keng tarqilip küchlük munazire qozghidi. Nurghun tordashlar bu insanliq üchün bir nomus, dep bahalidi. Ötken yili déngiz yoli arqiliq yawropagha qachmaqchi bolghan süriyelik panahlan'ghuchilarning kémisi örülüp ketkendin kéyin suda boghulup qalghan 3 yashliq süriyelik ösmürning süriti dunyani zil-zilige salghan idi.

Süriyediki ichki urush bashlan'ghili 5 yil bolghan bolsimu, rusiye we xitay xewpsizlik kéngishide süriyede herbiy küch arqiliq arilishishqa qarshi chiqqandin buyan, dunya döletliri bu mesilini hel qilishta palech halgha chüshüp qalghan idi. Béshir esedning süriyede qiliwatqan bombardimanliri netijiside hazirghiche 400 mingdin oshuq kishining jénidin ayrilghanliqi melum.

Bügün nyuyork waqti gézitining obzorchisi nikolas kiristof bu heqtiki mulahiziside, amérikining süriye mesili'isidiki muwappeqiyetsizlikini tenqid qilip “Obama hökümiti süriye mesilisini hel qilishta intayin passip pozitsiyide boldi. Bu obamaning siyasiy hayatigha dagh chüshüridighan eng chong nuqsanlirining biri bopqalidu” dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet