Тәйвәндә тунҗи аял президент сайланди

Мухбиримиз үмидвар
2016-01-18
Елхәт
Пикир
Share
Принт


Шәнбә күни тәйвәндики президент сайлими нәтиҗисидә, демократийә илғарлиқ партийәсидин келип чиққан намзат, доктор сәй йиңвен 60% аваз билән ғәлибә қилип, тәйвән тарихидики тунҗи аял президент болуп сайланди.

Буниң билән тәйвәнни 8 йилдин буян идарә қилип келиватқан гоминдаң партийәси сайламда мәғлуп болуп, демократийә илғарлиқ партийәсиниң қайтидин тәйвәнни идарә қилиш сәһиписи ечилди.

Америка авазиниң йезишичә, сәй йиңвенниң риқабәтчиси гоминдаң партийәсидин җу лилүн болуп, у сайламда мәғлуп болғандин кейин гоминдаң партийисиниң рәисилик вәзиписидин истипа беридиғанлиқини билдүргән.

Америка дөләт ишлири министирлики баянатчиси җон кирби америка қошма штатлири һөкүмитиниң доктор сәй йиңвенни тәйвән президент сайлимидики ғәлибиси билән тәбирикләйдиғанлиқини билдүрди.

Сәй йиңвен сайлам ғәлибиси һәққидә тохтилип: «бизниң демокрартийә түзүмиз, дөләт кимлик чүшәнчимиз вә хәлқара атмосферайимиз чоқум толуқ һөрмәт қилиниши керәк, һәр қандақ бесим икки қирғақ мунасивәтлириниң муқимлиқиға бузғунчилиқ қилиду» дегән.

Ройтерсниң хәвәр қилишичә, америка ақ сарай баянатчиси мйлес кагганс ақ сарайниң сәй йиңвенниң ғәлибисини тәбирикләйдиғанлиқини билдүрүп, «< биз тәйвән хәлқиниң йәнә бир қетим өзлириниң күчлүк демократийә түзүм күчини көрсәткәнликини тәбрикләймиз. Биз тәйвән хәлқи билән бирликтә давамлиқ икки қирғақниң тинчлиқи вә муқимлиқидики ортақ мәнпәәтимизни қоғдайниз» дегән.

Пикирләр (0)
Share
Толуқ бәт