Prézidént sey yingwén: xitay xata ümidte bolmisun, teywen bésimgha bash egmeydu

Muxbirimiz shöhret hoshur
2016-10-05
Élxet
Pikir
Share
Print

Bügün amérikining wal strét zhurnilining ziyaritini qobul qilghan teywen prézidénti sey yingwén xitay da'irilirini teywenni bésimgha bash égidu dep xata chüshenche we ümidte bolmasliqqa chaqirghan. Wal strétning xewiride bayan qilinishiche, sey yingwén hakimiyet béshigha chiqqandin kéyin, xitay da'iriliri teywenni xelq'ara sehnidin siqip chiqirish urunushini küchlendürgen. Xitayning jenubiy déngiz aralliri mesilisidiki xelqaraliq yighinda teywen'ge orun bermigenliki we yéqinda yene teywenning xelq'ara awi'atsiye teshkilatigha qétilishigha tosqunluq qilghanliqigha qarita naraziliq bildürgen sey yingwén, teywenning musteqil bir démokratik dölet ikenlikini eskertip, teywende herqandaq bir hakimiyetning xelqning iradisige xilap ish qilalmaydighanliqini tekitligen we bu arqiliq xitayning teywen terepke téngiwatqan bir junggo prinsipining qobul qilinmaydighanliqini bildürgen.

Sey yingwén bügünki sözide yene, ikki terep arisidiki mewjut mesililerni hel qilish üchün xitay dölet re'isi shi jinping bilen körüshüshni xalaydighanliqini, emma xitay terepning bu körüshüsh üchün herqandaq bir aldinqi shert qoshmasliqi kéreklikini éytqan.

Toluq bet