Таҗикистанлиқ өктичи куватоф истанбулда өлтүрүлди

Мухбиримиз әркин
2015-03-06
Share

Таҗикистанлиқ тиҗарәтчи вә сиясий өктичи умәрәли куватоф пәйшәнбә күни түркийә истанбулниң фатих районидики кочида етип өлтүрүлгән. Түркийә ахбаратиниң қәйт қилишичә, умәрәли куватоф ағиниси билән фатихдики бир ресторанда кәчлик тамақ йәп қайтқанда меңисигә оқ тегип өлгән.

Куватоф бурун таҗикистан президенти имам ели рахманофниң йеқин адими иди. Бирақ уларниң мунасивити 2012‏-йили бузулған. У шу йили түркийәгә қечип берип, һөкүмәткә қарши “24 ләр гуруһи” намлиқ өктичи гуруһ тәшкил қилған. Бирақ бу гуруһ тор паалийити биләнла чәклинип қалған тарқақ тәшкилат иди.

Куватофниң ким тәрипидин өлтүрүлгәнлики техи мәлум әмәс. Түркийә анатолийә агентлиқи униң ағиниси тәрипидин өлтүрүлгәнликини илгири сүрди. Лекин түркийә доған ахбарат агентлиқи униң намәлум киши тәрипидин етип өлтүрүлгәнликини билдүргән. Таҗикистан һөкүмити бу йил 1‏-айда әнқәрәдин куватофни өткүзүп беришни тәләп қилған. Униңдин бурун истанбул сақчилири куватофни тутқун қилип кейинрәк қоюп бәргән иди.

Куватофниң өлүми өткән йәкшәнбә күни таҗикистан парламент сайлими өткүзүлүп, президент имам ели рахманофниң партийәси йәнә парламенттики мутләқ көп санлиқни игилигән мәзгилдә йүз бәргән.

Умәрәли куватоф чаршәнбә күни “асия-плус” намлиқ мустәқил таҗик ахбарат ториға сөһбәт елан қилип, таҗикистан сайлимини тәнқид қилған. У, таҗикистан хәлқи таллаш һоқуқидин мәһрум қалдурулди, дегән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт