Tajikistanliq öktichi kuwatof istanbulda öltürüldi

Tajikistanliq tijaretchi we siyasiy öktichi umer'eli kuwatof peyshenbe küni türkiye istanbulning fatix rayonidiki kochida étip öltürülgen. Türkiye axbaratining qeyt qilishiche, umer'eli kuwatof aghinisi bilen fatixdiki bir réstoranda kechlik tamaq yep qaytqanda méngisige oq tégip ölgen.

Kuwatof burun tajikistan prézidénti imam éli raxmanofning yéqin adimi idi. Biraq ularning munasiwiti 2012‏-yili buzulghan. U shu yili türkiyege qéchip bérip, hökümetke qarshi “24 Ler guruhi” namliq öktichi guruh teshkil qilghan. Biraq bu guruh tor pa'aliyiti bilenla cheklinip qalghan tarqaq teshkilat idi.

Kuwatofning kim teripidin öltürülgenliki téxi melum emes. Türkiye anatoliye agéntliqi uning aghinisi teripidin öltürülgenlikini ilgiri sürdi. Lékin türkiye doghan axbarat agéntliqi uning namelum kishi teripidin étip öltürülgenlikini bildürgen. Tajikistan hökümiti bu yil 1‏-ayda enqeredin kuwatofni ötküzüp bérishni telep qilghan. Uningdin burun istanbul saqchiliri kuwatofni tutqun qilip kéyinrek qoyup bergen idi.

Kuwatofning ölümi ötken yekshenbe küni tajikistan parlamént saylimi ötküzülüp, prézidént imam éli raxmanofning partiyesi yene parlaménttiki mutleq köp sanliqni igiligen mezgilde yüz bergen.

Umer'eli kuwatof charshenbe küni “Asiya-plus” namliq musteqil tajik axbarat torigha söhbet élan qilip, tajikistan saylimini tenqid qilghan. U, tajikistan xelqi tallash hoquqidin mehrum qalduruldi, dégen idi.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar