Tajikistan resmiy rewishte kishi familisidiki rusche qoshumchilarni ishlitishni cheklidi

Ottura asiyadiki sabiq sowét ittipaqining yimirilishi bilen musteqil bolghan tajikistan jumhuriyiti yéqinda resmiy türde kishi famile isimlirining arqisigha qoshulidighan rusche qoshumchini ishlitishni chekligen.

Rusiyening lénta.Ru uchur torining tajikistan menbeliridin neqil élishiche, erlerning familisi axirigha qoshulidighan rusche "Ow", "Éw", "Owich" we ayallarning familisi we dadisining ismining axirigha qoshulidighan "Owa" hem "Owna" qoshumchiliri qanuniy rewishte cheklen'gen. Uning eksiche, buningdin kéyin famililer tajikche qoshumche, yeni"Zod", "Zade", "Yen" we "Far" qoshumchiliri qoshush arqiliq ipadilinidiken.

Bu uchurni tajikistan jumhuriyitining edliye sahesige mensup yuqiri derijilik emeldari jamalidin rehimow muxbirlargha bildürgen bolup, bu yil 1 - ayda tajikistan parlaménti buninggha a'it qanunni qobul qilghan idi.

Lékin, jamalidin rehimowning éytishiche, famile arqa qoshumchilirini özgertish tajiklargha qaritilghan bolup, bashqa xelqler öz adetliri boyiche qalsa bolidiken

Buningdin bir qanche yil ilgiri tajikistan prézidénti émameli raxman öz familisidiki rusche qoshumche "Ow" ni élip tashlap, özini raxmanow emes, belki raxman dep jakarlighan idi.

Kishi familisi arqisidiki rusche qoshumchini bikar qilish mesilisi ottura asiya jumhuriyetliri musteqil bolghandin kéyin otturigha chiqqan bolsimu, emma héch qaysi jumhuriyet téxi hazirghiche qedem basmighan idi. Qazaqistan Uyghurlar arisidimu rusche famile qoshumchisini tashlash pikirliri otturigha chiqip, bir qisim kishiler mundaq qedemni basqan bolsimu, lékin omumlashmighan.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar