Таҗикистан пайтәхти дүшәнбәдә қораллиқ тоқунуш йүз берип, 17 адәм өлгән

Мухбиримиз әркин
2015-09-04
Share

Җүмә күни, таҗикистан пайтәхти дүшәнбәдә қораллиқ тоқунуш партлап, 17 адәм өлгән. Бу вәқә билән америка әлчиханиси вақитлиқ тақалған.

Чәтәл ахбарати, дүшәнбәдә сақчи понкити һуҗумға учриғанлиқини, һуҗумни бүгүн вәзиписидин елип ташланған таҗикистан муавин дөләт мудапиә министири абдуһалим нәзәрзадәниң адәмлири елип барғанлиқи билдүрди.

Һуҗумда 8 сақчи, қораллиқ гуруһниң 9 һуҗумчиси өлгән. Һуҗумниң арқисидики сәвәб мәлум әмәс.

Бирақ таҗикистан даирилириниң илгири сүрүшичә, қораллиқ гуруһтикиләр 1990‏- йилларда партлиған ички уруш җәрянида өктичиләр сепидә уруш қилған кишиләркән. Америка әлчиханиси җүмә күни йәнә, әлчихана хадимлирини сиртқа чиқмаслиққа, балилирини мәктәпкә әвәтмәсликкә агаһландурған.

Мәзкур вәқә таҗикистанда ислами тирилиш партийәси чәклинип, вәзийәт кәскинлишип кәткән бир мәзгилдә йүз бәргән. Даириләр нәзәрзадә вә һуҗумчиларни ислами тирилиш партийәсигә бағлиған болсиму, бирақ мәзкур партийә улар билән алақиси барлиқини рәт қилған. Таҗикистан ислами тирилиш партийәси авғустниң ахирлирида печәтләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт