Tajikistan paytexti düshenbede qoralliq toqunush yüz bérip, 17 adem ölgen

Muxbirimiz erkin
2015-09-04
Share

Jüme küni, tajikistan paytexti düshenbede qoralliq toqunush partlap, 17 adem ölgen. Bu weqe bilen amérika elchixanisi waqitliq taqalghan.

Chet'el axbarati, düshenbede saqchi ponkiti hujumgha uchrighanliqini, hujumni bügün wezipisidin élip tashlan'ghan tajikistan mu'awin dölet mudapi'e ministiri abduhalim nezerzadening ademliri élip barghanliqi bildürdi.

Hujumda 8 saqchi, qoralliq guruhning 9 hujumchisi ölgen. Hujumning arqisidiki seweb melum emes.

Biraq tajikistan da'irilirining ilgiri sürüshiche, qoralliq guruhtikiler 1990‏- yillarda partlighan ichki urush jeryanida öktichiler sépide urush qilghan kishilerken. Amérika elchixanisi jüme küni yene, elchixana xadimlirini sirtqa chiqmasliqqa, balilirini mektepke ewetmeslikke agahlandurghan.

Mezkur weqe tajikistanda islami tirilish partiyesi cheklinip, weziyet keskinliship ketken bir mezgilde yüz bergen. Da'iriler nezerzade we hujumchilarni islami tirilish partiyesige baghlighan bolsimu, biraq mezkur partiye ular bilen alaqisi barliqini ret qilghan. Tajikistan islami tirilish partiyesi awghustning axirlirida péchetlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet