Хитайниң таҗикистанда қезиватқан алтун кан записи хәлқара җәмийәтниң диққитини қозғимақта

Мухбиримиз қутлан
2016-06-06
Share

Бирләшмә агентлиқниң хәвиригә қариғанда, хитай мәбләғ селип ачқан таҗикистандики похруд алтун кени өзиниң тунҗи алтун мәһсулатини ишләпчиқарған.

Таҗикистан президенти емамәли рахман қатнашқан похруд алтун кениниң ечилиш мурасими алдинқи күни таҗикистан дөләт телевизийәсидә көрситилгән.

Игилинишичә, хитай тәрәп бу канға җәмий 256 милйон америка доллири мәбләғ салған болуп, мәзкур алтун кан дәсләптә йилиға 1.3 Тонна, кейинчә йилиға 2 тоннидин алтун ишләпчиқиридикән.

Хитайниң зиҗин канчилиқ гуруһи йәнә таҗикистанниң шималидики зәрәпшан вадисида бирқанчә алтун канлирини ачқан болуп, уларниң ичидә йиллиқ алтун мәһсулати 5 тоннидин ашидиған канларниң барлиқи мәлум.

Таҗикистан ички қуруқлуққа солинип қалған тағлиқ дөләт болуп, 1991-йили мустәқил болғандин кейин таки һазирғичә иқтисадий қийинчилиқтин қутулалмиған. Чәтәл мәблиғи кәм болған бу дөләттә йеқиндин буян хитай кан ширкәтлириниң арқа-арқидин пәйда болуп алтун канлирини ечиши русийә, һиндистан вә әтраптики қошна әлләрниң диққитини қозғимақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.