Xitayning tajikistanda qéziwatqan altun kan zapisi xelq'ara jem'iyetning diqqitini qozghimaqta

Muxbirimiz qutlan
2016.06.06
Share on WhatsApp
Share on WhatsApp

Birleshme agéntliqning xewirige qarighanda, xitay meblegh sélip achqan tajikistandiki poxrud altun kéni özining tunji altun mehsulatini ishlepchiqarghan.

Tajikistan prézidénti émam'eli raxman qatnashqan poxrud altun kénining échilish murasimi aldinqi küni tajikistan dölet téléwiziyeside körsitilgen.

Igilinishiche, xitay terep bu kan'gha jem'iy 256 milyon amérika dolliri meblegh salghan bolup, mezkur altun kan deslepte yiligha 1.3 Tonna, kéyinche yiligha 2 tonnidin altun ishlepchiqiridiken.

Xitayning zijin kanchiliq guruhi yene tajikistanning shimalidiki zerepshan wadisida birqanche altun kanlirini achqan bolup, ularning ichide yilliq altun mehsulati 5 tonnidin ashidighan kanlarning barliqi melum.

Tajikistan ichki quruqluqqa solinip qalghan taghliq dölet bolup, 1991-yili musteqil bolghandin kéyin taki hazirghiche iqtisadiy qiyinchiliqtin qutulalmighan. Chet'el meblighi kem bolghan bu dölette yéqindin buyan xitay kan shirketlirining arqa-arqidin peyda bolup altun kanlirini échishi rusiye, hindistan we etraptiki qoshna ellerning diqqitini qozghimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.