Таҗикистандики қаттиқ йәр тәврәш уйғур райониниң қисмән районлириға тәсир көрсәткән

Мухбиримиз қутлан
2015-12-07
Share

Бирләшмә агентлиқниң хәвиригә қариғанда, 7-декабир шу йәр вақти чүштин кейин 15:50 минут өткәндә таҗикистанда 7.2 Бал йәр тәвригән.

Америка геологийә мутәхәссислириниң көрситишичә, тәврәш мәркизи таҗикистан пайтәхти дүшәнбиниң 345 километир шәрқигә, тағлиқ шәһәр мурғабниң 109 километир ғәрбигә тоғра келидикән.

Таҗикистан даирилири һазирға қәдәр йәр тәврәштә қанчилик кишиниң өлгәнлики һәққидә һечқандақ мәлумат бәрмигән.

Қаттиқ йәр тәврәштин келип чиққан зәнҗирсиман тәсирниң таҗикистанға қошна әлләрдә, йәни қирғизистан, қазақистан, афғанистан вә пакистанниң шималий районлирида сезилгәнлики мәлум.

Бүгүн хитайда чиқидиған “йәр шари вақит гезити” бу һәқтә хәвәр елан қилип, таҗикистанда йүз бәргән қаттиқ йәр тәврәшниң дәриҗисини 7.4 Бал дәп көрсәткән.

Хәвәрдә таҗикистандики қаттиқ йәр тәврәшниң уйғур аптоном райониниң қәшқәр, атуш, хотән вә ақсу қатарлиқ җайлириға охшимиған дәриҗидә тәсир көрсәткәнликини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт