Tajikistandiki qattiq yer tewresh Uyghur rayonining qismen rayonlirigha tesir körsetken

Muxbirimiz qutlan
2015-12-07
Share

Birleshme agéntliqning xewirige qarighanda, 7-dékabir shu yer waqti chüshtin kéyin 15:50 minut ötkende tajikistanda 7.2 Bal yer tewrigen.

Amérika gé'ologiye mutexessislirining körsitishiche, tewresh merkizi tajikistan paytexti düshenbining 345 kilométir sherqige, taghliq sheher murghabning 109 kilométir gherbige toghra kélidiken.

Tajikistan da'iriliri hazirgha qeder yer tewreshte qanchilik kishining ölgenliki heqqide héchqandaq melumat bermigen.

Qattiq yer tewreshtin kélip chiqqan zenjirsiman tesirning tajikistan'gha qoshna ellerde, yeni qirghizistan, qazaqistan, afghanistan we pakistanning shimaliy rayonlirida sézilgenliki melum.

Bügün xitayda chiqidighan “Yer shari waqit géziti” bu heqte xewer élan qilip, tajikistanda yüz bergen qattiq yer tewreshning derijisini 7.4 Bal dep körsetken.

Xewerde tajikistandiki qattiq yer tewreshning Uyghur aptonom rayonining qeshqer, atush, xoten we aqsu qatarliq jaylirigha oxshimighan derijide tesir körsetkenlikini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet