Taliban: "Xitay bizning yol xétimiz"

Muxbirimiz nur'iman
2021-09-02
Share

Talibanlar afghanistanda hakimiyetni ötküzüwélip ikki heptidin kéyin, yéngi hökümetning qurulmisini élan qilghan. Yéngidin qurulghan talibanlar hökümitining bayanatchisi 2-séntebir küni ijtima'iy taratqularda xewer bérip, pat yéqinda kabuldiki prézidént mehkimiside yéngidin teshkillen'gen talibanlar hökümitining qurulush murasimi ötküzülidighanliqi we buning teyyarliq xizmetlirining jiddiy dawam qiliwatqanliqini uqturghan.

"Girmaniye awazi" torining xewirige asaslan'ghanda, amérika bashchiliqidiki gherb döletlirining eskerliri afghanistandin chékin'gendin kéyin, afghanistan iqtisadiy jehettin jiddiy yardemge muhtaj bolmaqtiken. Shu sewebtin talibanlar xitayning afghanistan'gha meblegh sélishni tolimu ümd qilidiken.

Talibanlarning bayanatchisi sebi'ulla mujahid italiye "Jumhuriyet" gézitining ziyaritini qobul qilghanda mundaq dégen: "Xitay bizning eng muhim ittipaqdishimiz. Xitay dölitimizni qayta qurup chiqishta bizge meblegh sélishni xalaydu. Bu biz üchün intayin muhim we adettin tashqiri yaxshi purset". U yene talibanlarning xitayning dunyadiki tesirini kéngeytishni meqset qilghan "Bir belbagh bir yol" qurulushigha intayin qiziqidighanliqini bildürgen.

U yene mundaq dégen: "Afghanistanda mis zapisi itayin mol. Biz xitayning yardemi we meblegh sélishi bilen bilen yer asti bayliqlirini qizip chiqirip bazargha yüzlendürimiz. Mundaqche éytqanda, xitay bizning dunya bazirigha kirishtiki yol xétimizdur."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet