Taliban qunduzdiki ‍özini partlitish xaraktérlik hujumni “Afghan” da'ishchi élip barghanliqini bildürgen

Muxbirimiz erkin
2021-10-20
Share

Talibanlar afghanistanning qunduz shehiridiki bir shi'e meschitide yüz bergen ‍özini öltürüwélish xaraktérlik partlitish hujumini “Afghan” da'ishchining qilghanliqini ilgiri sürgen. Bu yil 15-öktebir küni qunduz shehiridiki bir shi'e meschiti jüme namizida özini ‍öltürüwélish xaraktérlik hujumgha uchrap, 50 tin artuq adem ‍ölgen, 100 din artuq adem yarilan'ghan. Weqedin kéyin da'ishning xurasan teshkilati intayin gheyriy rewishte bayanat élan qilip, hujumgha ‍özlirining mes'ul ikenliki, hujumning bir Uyghur teripidin ishqa ashurlghanliqini jakarlighan.

Ümmetchilikni prinsip qilghan we héchqachan térrorluq hujumlirida térrorchining millitini tilgha almaydighan da'ishning bu qétim hujumchining millitini alayiten élan qilishi, xelq'araning diqqitini qozghighan. Türkiyediki bezi öktichi siyasiyonlar da'ishchi Uyghurning süriyedin afghanistan'gha barghanliqini ilgiri sürgenidi. Biraq “Amérika awazi” radi'osining yéqinda xewer qilishiche, talibanlarning axbarat we medeniyet ministiri zebihulla mujahit, hujumchining “Afghan” ikenlikini bildürgen.

Zebihulla mujahit “Amérika awazi” radi'osining bir qétimliq ziyaritini qobul qilghanda muxbirning “Qunduzda ‍özini partlatqan adem Uyghur idi. Xitay silerge endishisini bildürdimu? hujumdin kéyin xitay silerge néme, dédi” dégen so'aligha jawab bergen.

U, “Biz bu mesilide héchbir dölet bilen sözleshmiduq. Da'ish jengchilirining hemmisi afghanlar. Ularning ichide chet'ellik yoq” dégen. Xitayning Uyghurlargha qarita “Irqiy qirghinchiliq” qilishi xelq'araning bolupmu gherb döletlirining köngül bölüshi we tenqid qilishigha uchrawatqan shundaqla taliban xitay bilen hemkarlishishni ümid qiliwatqan bir waqitta, da'ishning partlitishni “Uyghur élip bardi” déyishi diqqet qozghighanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet