Talibanlar hakimiyiti xitayning yardimi arqiliq xelq'araning étirap qilishigha érishishni istimekte

Muxbirimiz eziz
2022.01.18
Share on WhatsApp
Share on WhatsApp

2021-Yili talibanlar yéngiwashtin afghanistan hakimiyitini qolgha alghan bolsimu, hazirgha qeder dunya miqyasida birmu dölet bu hakimiyetni étirap qilmighan. Netijide afghanistan hökümitining chet el bankiliridiki tonglitiwétilgen toqquz milyard amérika dolliridin köprek meblighi talibanlar hakimiyiti üchün “Qol yetmes shaptul” gha aylinip qalghan.

“Blumbérg xewerliri” ning 17-yanwardiki xewiride éytilishiche, talibanlar hakimiyiti nöwettiki iqtisadiy qiyinchiliqni tügitish üchün sabiq afghanistan hökümitining chet'el banka hésawatidiki meblighini qolgha élishqa aldirimaqta iken. Emma talibanlarning térorluq bilen baghlinishliq arqa körünüshi tüpeylidin héchkim bu hakimiyetni étirap qilmighachqa, héchqaysi banka bu pulni talibanlar hakimiyitige bérelmeydiken. Yene kélip talibanlar hakimiyitidiki bir qisim yuquri derijilik ministirlar, jümlidin muweqqet ichki ishlar ministiri sirajidin heqqani qatarliqlar téxiche fédératip tekshürüsh idarisi (FBI) ning qara tizimlikide iken.

Xewerde éytilishiche, xitay tashqi ishlar ministiri wang yi 15-yanwarda talibanlar hakimiyiti bilen bu heqte sözleshkende, ular xitay hökümitining otturigha chiqip, xelq'arada talibanlar hakimiyitini étirap qilishqa yol échish heqqide yardem sorighan. Wang yi bu heqte söz qilip: “Amérika hökümiti iqtisadiy jaza arqiliq afghanistandin öch almasliqi kérek,” dégen.

Melum bolushiche, afghanistandiki iqtisadiy qehetchilik shu derijige yetkenki, sabiq afghanistan hökümitining béyjingdiki bash elchisi jawid ehmed qayim uda yérim yilghiche afghanistandin mu'ash puli kelmigenliktin 2022-yili yanwarning béshida xizmettin istipa bergenlikini jakarlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet