Taliban hökümiti xitay tashqi ishlar minisitiri wang yigha bixeterlik wedisi bergen

Muxbirimiz jewlan
2022.03.25
Share on WhatsApp
Share on WhatsApp

Xitay tashqi ishlar minsitiri wang yi pakistandiki islam hemkarliq teshkilatining yighinini tügitipla, 24-mart peyshenbe küni afghanistan'gha ziyaretke barghan. Bu wang yining talibanlar hoquq tutqandin buyan afghanistanni tunji ziyaret qilishi hésablinidiken.

France24 Torining xewiridiki melumatlargha qarighanda, taliban hökümitining mu'awin bash minisitiri abdulgheni berader bilen tashqi ishlar minsitiri amirxan mutteqi afghanistan'gha ziyaretke kelgen wang yini qizghin qarshi alghan hemde uninggha ishench bérip, “Xitay hökümiti afghanistandin tamamen xatirjem bolsa bolidu” dégen. Xitay hökümiti kéler hepte afghanistan bilen “Qoshna dölet yighini” ötküzüp, taliban hökümitige qandaq yardem bérish mesilisini muzakire qilidiken.

Abdulgheni berader ishxanisining bayanatigha qarighanda, söhbette Uyghurlar konkrét tilgha élinmighan. Emma xitay hökümitining afghanistan'gha da'ir her qandaq endishidin qutulushigha kapaletlik qilinidighanliqi bildürülgen. Talibanlar ötken yil 8-ayda afghanistanda hakimiyet béshigha chiqqandin kéyin, “Chet'el térrorchi küchlirining afghanistan zéminidin paydilinip térrorluq qilishigha yol qoymaydighanliqi” ni bildürüp kelgenidi.

Analizchilarning bildürüshiche, xitay hökümiti afghanistanni “Bir belwagh bir yol” liniyesidiki muhim tügün, xam eshya bazisi dep qaraydiken؛ talibanlarmu xitayni pakistan bilen tutishidighan “Iqtisad karidori” da afghanistan'ghimu zor menpe'et yetküzidighan chong dölet, iqtisadiy tayanch dep qaraydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet