Tarim wadisidiki su qurulushini zor küch bilen ashurush qurulushi guman qozghimaqta

Muxbirimiz eziz
2019-07-09
Élxet
Pikir
Share
Print

Xitay bashqurushidiki shinxu'a agéntliqining 8-iyuldiki xewiride éytilishiche, xitay merkiziy hökümiti 2019-yiligha qarita qeshqerdin yeken'giche bolghan ariliqta ghayet zor kölemdiki su insha'ati qurulushini bashlash aldida iken.

Xewerde tarim wadisining izchil "Qurghaq rayon" dep nami barliqi alahide gewdilendürülgen bolup, bu qurulush tamamlansa bu jaydiki su yétishmeslik mesilisi zor derijide hel bolidighanliqi éytilidu. Shuningdek buninggha misal qatarida 11 milyard som meblegh sélinidighan aratash su insha'ati pütse, buning pütkül yeken deryasi wadisigha barawer kölemdiki jayni sughirishqa yéterlik su bilen temin ételeydighanliqi éytilghan. 

Ötken yillarda xitay hökümitining ichkiridin Uyghurlar diyarigha yüz milyonlap nopus köchürüsh pilanini emelge ashurush üchün yarluzangbu deryasining süyini bashlap kelmekchi boluwatqanliqi, shuningdek pat yéqinda ürümchi shehirining nopusini on milyon'gha yetküzmekchi bolushi heqqide türlük xewerler otturigha chiqqanidi. Analizchilar bu heqte pikir qilip: "Bu hal xitay hökümitining Uyghurlargha qiliwatqan ghemxorluqi emes, eksiche ularning zor sandiki nopus köchürüsh pilanining muhim teyyarliq basquchi" dep körsetti.

Toluq bet