Tarim uniwérsitétigha besh minggha yéqin yéngi oqughuchi qobul qilinmaqchi

Uyghurlar diyaridiki nuqtiliq aliy mekteplerdin bolghan “Tarim uniwérsitéti” 2019-yili pütün xitay tewesidin besh minggha yéqin oqughuchi qobul qilghanliqini bildürgen. Buning üch mingdin köpreki ichkiri xitay ölkiliridin iken.

“Bingtu'en xewerliri” gézitining 11-séntebirdiki xewiride éytilishiche, tarim uniwérsitéti yéngi oqughuchilar üchün “Général wang jén oqush mukapati” qatarliq türlük oqush mukapat pulliri tesis qilghan. 1949‏-Yili xitay armyesini bashlap Uyghur diyarini igiligen wang jénni bolsa Uyghur ziyaliyliri “Ikki qoli Uyghurlarning qéni bilen boyalghan jallat” dep dep qarap kéliwatqanliqi melum.

Nöwette Uyghur aliy mektep oqughuchiliri köplep ishsiz yürüwatqan ehwalda bingtu'enni asas qilghan tarim uniwérsitétigha ichkiridin nechche minglap oqughuchi qobul qilish heqqide pikir qilghan d u q ning bayanatchisi dilshat réshit: “Bu xitay hökümitining Uyghurlar diyaridiki kadirlar qoshunini köpeytish hemde shu arqiliq Uyghurlarni kontrol qilishni kücheytish arzusining bir ipadisi” dédi.