Тарим университетиға бәш миңға йеқин йеңи оқуғучи қобул қилинмақчи

Мухбиримиз әзиз
2019-09-11
Елхәт
Пикир
Share
Принт

Уйғурлар дияридики нуқтилиқ алий мәктәпләрдин болған «тарим университети» 2019-йили пүтүн хитай тәвәсидин бәш миңға йеқин оқуғучи қобул қилғанлиқини билдүргән. Буниң үч миңдин көпрәки ичкири хитай өлкилиридин икән.

«Биңтуән хәвәрлири» гезитиниң 11-сентәбирдики хәвиридә ейтилишичә, тарим университети йеңи оқуғучилар үчүн «генерал ваң җен оқуш мукапати» қатарлиқ түрлүк оқуш мукапат пуллири тәсис қилған. 1949‏-Йили хитай армйәсини башлап уйғур диярини игилигән ваң җенни болса уйғур зиялийлири «икки қоли уйғурларниң қени билән боялған җаллат» дәп дәп қарап келиватқанлиқи мәлум.

Нөвәттә уйғур алий мәктәп оқуғучилири көпләп ишсиз йүрүватқан әһвалда биңтуәнни асас қилған тарим университетиға ичкиридин нәччә миңлап оқуғучи қобул қилиш һәққидә пикир қилған д у қ ниң баянатчиси дилшат решит: «бу хитай һөкүмитиниң уйғурлар дияридики кадирлар қошунини көпәйтиш һәмдә шу арқилиқ уйғурларни контрол қилишни күчәйтиш арзусиниң бир ипадиси» деди.

Пикирләр (0)
Share
Толуқ бәт