Xitay da'iriliri Uyghur diyaridiki 10 ming déhqan-charwichini turalghu jayliridin yötkep orunlashturmaqchiken

Muxbirimiz sada
2019-05-08
Élxet
Pikir
Share
Print

Xitay hökümitining Uyghur diyaridiki 10 ming déhqan-charwichini shexsiy turalghu jayliridin bina öylerge yötkep orunlashturmaqchi boluwatqanliqi ashkarilandi.

"Shinjang géziti" ning 8-maydiki xewerliridin melum bolushiche, Uyghur aptonom rayonluq tereqqiyat-islahat komitéti her derijilik organlargha bina öy qurulushini rawajlandurup, chet yéza-qishlaqlardiki déhqan-charwichilarni yötkep orunlashturush hemde kona öy we mehellilerni chéqish xizmitini kücheytish heqqide buyruq chüshürgen. Bu qétimqi pilanda 10 ming kishining bina öylerge yötkep orunlashturulushi pilanlan'ghan, emma ularning milliti, yötkimekchi bolghan jay heqqide héchqandaq izahat bérilmigen.

Nöwette Uyghur diyarida 800 mingdin ikki milyon'ghiche Uyghur xitayning jaza lagérlirida qiyin-qistaqqa éliniwatqan bir mezgilde xitay da'irilirining yéza-qishlaqlardiki déhqan-charwichilarni öz yéridin yötkep, ularning yashash muhitini özgertish pilani diqqet qozghimaqta.

Közetküchiler xitay hökümitining rayonda kishilerning turalghu muhitini özgertish arqiliq yerlik milletlerni, bolupmu Uyghurlarni toluq assimilyatsiye qilishni tézleshtürmekchi boluwatqanliqini texmin qilmaqta.

Toluq bet