Tayland bangkoktiki partlashqa chétishliq ikki Uyghurning terjimanini dawamliq tutup turushni qarar qildi

Muxbirimiz erkin
2016.06.03
Share on WhatsApp
Share on WhatsApp

Tayland sot mehkimisi jüme küni 2015-yili 17‏-awghust yüz bergen bangkoktiki partlashqa chétishliq ikki Uyghurning terjimani özbékistanliq sirajidin bahadirofni dawamliq tutup turushqa buyruq qildi.

Firansiye axbarat agéntliqi jüme küni tarqatqan xewiride, sotning mezkur qarari, partlashqa da'ir bezi halqiliq so'allar jawabsiz qalghan u ikki Uyghurning sirliq sotini téximu murekkepleshtürüwetkenlikini bildürdi.

Sirajidin bahadirof ötken hepte yénidin azraq miqdarda neshe we keyp qilidighan bir xil kumilach dora chiqip qolgha élin'ghan. Tayland sot mehkimisi jüme küni bilal muhemmet bilen mir'eli yüsüpke terjimanliq qiliwatqan bahadirofni qoyup bérishni ret qilip, dawamliq tutup turushqa buyruq qildi.

Firansiye agéntliqining bildürüshiche, bahadirof “Men gunahsiz, ular manga tuzaq qurdi” dégen. Bahadirofning tekitlishiche, saqchilar uning terjimanliq qilishini xalimighan. U, “Chünki, men Uyghur jama'itige yardem qilip keldim” dep körsetken.

Biraq firansiye axbarat agéntliqi, saqchilar bahadirofning sözini ret qilghanliqini bildürdi. Sirajidin bahadirof bu yil 17‏-maydiki sotta bilal muhemmetke terjimanliq qilghan. Bilal muhemmet mehkimide tayland herbiylirining uni urghanliqini we halal tamaq bérishni ret qilghanliqini shikayet qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.