Tayland köchmenlerni tutup turush merkizidiki Uyghur mehbuslar achliq élan qildi

Muxbirimiz eziz
2016.05.31
Share on WhatsApp
Share on WhatsApp

Ikki yildin béri taylandta tutup turuluwatqan Uyghurlar radiyomiz arqiliq bayanat élan qilip, özlirining 31-maydin bashlap achliq élan qilghanliqini bildürdi we tayland hökümitini özlirini qoyup bérishke hemde dunya jama'etchilikini bu mesilige köngül bölüshke chaqirdi.

Achliq élan qilghan bu guruppa Uyghurlarning wekili radi'omizgha ewetken bayanatta “Nurghun sewebler tüpeyli biz tamaq yémeslik we su ichmeslik élan qilip turup bizning erkinlikke chiqqumiz barliqini, herqandaq bir démokratik dölette erkin yashighumiz barliqini dunya jama'etchilikige uqturmaqchi” dep jakarlighan.

Ular xétide yene, eger xitaygha qayturulsa ten jazasi, medetsiz qamaq jazasi, hetta ölüm jazasigha buyrulush xewpi barliqinimu körsetken we mundaq dégen: “Shu sewebtin mushu jayda achliqtin ölginimiz yaxshi.”
Ular xétide yene taylandiki tutup turush ornida 70 tin artuq Uyghur barliqi, mezkur bayanatning shu Uyghurlarning ortaq awazi ikenlikini bildürgen.

Melum bolushiche, bu Uyghurlar 2014-yili martta pasportsiz taylandtin malayshiyagha ötüsh sepiride qolgha élin'ghan bolup, shundin buyan izchil halda tutup turulmaqta iken.

Sherqiy jenubi asiya arqiliq türkiyege qéchishni tallighan Uyghurlardin 109 kishi xelq'araning küchlük naraziliqigha qarimastin 2015-yili 9-iyulda mejburiy halda taylandtin xitaygha qayturup bérilgen.

Eyni chaghdiki xewerlerde taylandiki tutup turush orunlirida yene 60 etrapida Uyghur qélip qalghanliqimu ilgiri sürülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.