Uyghur élidiki néfit qidirish tarixining hazirqi qurulmigha körsetken tesiri mulahize qilindi

Muxbirimiz irade
2019.01.23

21-Yanwar küni amérikida neshrdin chiqidighan “Xitay arxipi” namliq tor zhurnilida Uyghur élidiki néfit zapi'isni qidirip tekshürüsh xizmitining Uyghur élining qurulmisigha körsetken tesiri üstide bir maqale élan qilindi.

Maqale aptori juddiy kinzliyning bayan qilishiche, Uyghur élining mol néfit zapisigha ige ikenliki 19-esirde keng bilinip bolghan bolup, uni tekshürüsh xizmetliri 1644-1911-yilliri arisida höküm sürgen ching xanidanliqi mezgilide bashlan'ghan we ching xanidanliqining zawalliqqa yüzlen'gen yillirida en'gliye we rusiye Uyghur élidiki yer asti bayliqlirigha nahayiti qiziqqan iken.

Aptor sabiq sowét ittipaqi 1917-yilidin kéyin Uyghur élidiki néfit qidirish xizmetliride aktip rol élip, Uyghur élining shimaliy qisimliridiki maytagh néfit bazisida néfit qidirish xizmetlirini bashlighanliqini qeyt qilghan. Uning éytishiche, eyni chaghdiki jungxu'a min'go hökümiti Uyghur élidiki néfit qidirish ishlirida asasliq sabiq sowét ittipaqining téxnikisigha tayan'ghan iken.

Xitay kommunist hakimiyiti ornitilghandin kéyinmu Uyghur élining néfitini échish xizmiti asasen sabiq sowét ittipaqining izi boyiche shimaldiki néfitliklerge merkezleshken iken we taki 1990-yillargha kelgende xitayning néfitqa bolghan éhtiyaji artqandin kéyinla andin jenubtiki néfit ishlepchiqirish xizmetliri bashlan'ghan iken.

Aptorning qarishiche, Uyghur élidiki néfit ishlepchiqirish xizmetliri tarixining Uyghur élidiki dölet meblighining shekil we qurulmisigha, köchmenler qurulmisigha we jenub bilen shimal arisidiki ijtima'iy-iqtisadiy tengpungsizliqning shekillinishige körsetken tesiri zor bolush bilen birge yene Uyghur élining jenubi bilen shimalining öz-ara perqlendürülüshidiki eng muhim amillarning biri iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.