Ju xeylun diniy teblighning da'irisini belgiligen

Muxbirimiz jüme
2017-04-01
Share


31-Mart Uyghur aptonom rayonning mu'awin partkom sékrétari ju xeylun qeshqerde atalmish wetenperwer diniy zatlarni yighip, ulargha diniy teblighning da'irisini körsitip bergen. Uning bu qétimqi qeshqerdiki diniy zatlar bilen bolghan uchrishishi "Uyghur aptonom rayonning esebiylikni tügitish nizami" élan qilinip ghulghula qozghighan mezgilge toghra keldi.

Tengritagh torining xewer qilishiche, ju xeylun diniy zatlardin "Xitay kompartiyesini himaye qilish, sotsiyalistik tuzumni himaye qilish, xitay hökümitining siyasetlirini teshwiq qilish, diniy teblighlerde wetenperwerlik idiyisini chüshendüridighan, urghutidighan mezmunlargha chongqurlap kirish, tinchliq, ottura yol, keng qorsaqliqni terghib qilish, diniy ammini angliq halda esebiylik, milliy bölgünchilik we térrorluqqa qarshi turushqa yéteklesh" ni telep qilghan.

U yene diniy zatlarni dinni sotsiyalizmgha maslashturushta aktip rol oynashqa chaqirghan.

U, yighinda her derijilik partiye hökümetlerdin "Uyghur aptonom rayonning esebiylikni tügitish nizami" ni estayidil emeliyleshtürüp diniy xizmetni "Xitaylashturush" yölinishige yéteklesh ishlirini kücheytishni, wetenperwer diniy zatlardin tughqan we dostlarni tutushni telep qilghan.

29-Mart Uyghur aptonom rayonluq xelq qurultiyi 50 maddiliq "Aptonom rayonning esebiylikni tügitish nizami" maqullighan.

Mezkur nizamda saqal qoyush ölchemliri we diniy yosunda kiyinishke qaritilghan cheklimiler körsitilgendin bashqa "Radi'o, téléwiziye qatarliqlarni chetke qéqish, yémekliklerning halalliq uqumini kéngeytish, perzentlirining dölet ma'aripi terbiyesi élishigha yol qoymasliq" qatarliqlarmu "Esebiylik" katégoriyesige kirgüzülgen.

Da'iriler mezkur nizamning jem'iyet muqimliqini berpa qilishta muhim rol oynaydighanliqini bildürgen bolsimu, emma kishilik hoquq organliri buning Uyghurlarning diniy erkinlikini téximu qattiq boghidighanliqini körsetken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.