Uyghur diyarida téléfon we tor arqiliq aldamchiliq qilishqa zerbe bérildi

Muxbirimiz ümidwar
2016-12-05
Élxet
Pikir
Share
Print

Uyghur aptonom rayonida téléfon we tor arqiliq puqralarning pulini aldap éliwélish jinayetliri éghirlashqanliqi üchün bu yil 8-ayda qurulghan Uyghur aptonom rayonluq téléfon-tor aldamchiliqigha qarshi turush merkizi jiddi heriketke ötüp, qisqighina üch aygha yetmigen waqit ichide 1070tin din artuq hésabat nomuri we délogha chétishliq 19 milyon yüenni töleshtin toxtitip tonglatqan.

Tengri tagh torining bu heqtiki xewiride körsitilishiche, puqralarning pullirini aldighuchilarning beziliri özlirini xelq saqchisi dep atiwalghan bolup, hetta 11-ayning 3-küni özini xelq saqchisi dep atighan bir aldamchi fukang shehiridiki bir kishining oghlining oqush puli üchün hazirlighan 10 ming yüen pulini aldap éliwélishqa urun'ghanda sézilip, saqchi orginigha melum qilin'ghandin kéyin, aldamchining banka hésabi tonglitilish arqiliq aldap élin'ghan bu pul qayturiwélin'ghan.

Uyghur diyarida yamrighan bu xil téléfon,tor wasitiliri arqiliq kishilerning banka hésabat nomuridin aldap pul éliwélish weqeliri xitay hökümet terepning diqqitini tartqanliqi üchün Uyghur aptonom rayonluq jama'et xewpsizlik nazariti bu yil 29-awghust küni resimi türde téléfon-tor arqiliq aldamchiliq qilishqa qarshi turush merkizi qurup, pütün Uyghur diyari boyiche öz pa'aliyetlirini bashlighan idi.

"Xitay télégraf tori"ning xewer qilishiche, pütün xitay boyiche téléfon we tor alaqisi arqiliq aldamchiliq qilish 2009-yilidin buyan izchil yuqiri kotüriliwatqan bolup, xitay xelq qurultiyi 2013-yili, xitay boyiche bu xildiki aldamchiliqtin 300 ming qétim yüz bérip, xelqning 10 milyard yu'en puli ziyan'gha uchrighanliqini bildürgen.

"Xelq tori"ning xewer qilishiche, bu xil aldamchiliq nöwette eng yuqiri pellige yetken bolup, 2015-yili 11-aydin bu yil 9-ayghiche pütün xitayda 13 min adem bu xil aldamchiliq jinayiti bilen tutulghan iken.

Toluq bet