Америка ташқи ишлар министирлиқи тән җазаси қурбанлирини хатириләш күнидә лагерлардики уйғурларни тилға алди

Мухбиримиз әркин
2020-06-26
Share

Америка ташқи ишлар министирлиқи 26-июн хәлқара тән җазаси қурбанлирини хатириләш күни мунасивити билән баянат елан қилип, хитай лагерлирида қийин-қистақтики уйғурларни тилға алған шундақла тән җазасиға учриғучиларни давалашқа, төләм төләшкә вә қийин-қистақ билән шуғулланғанларни җавабкарлиққа тартишқа чақирған. Баянатта, дуняниң һәр қайси җайлиридики зиянкәшликкә учриғучилар вә һаят қалғучиларға һөрмәт билдүридиғанлиқи, уларни қоллайдиғанлиқи әскәртилип, б д т ниң тән җазасиға қарши туруш әһдинамисиға 166 дөләт имза қойған болсиму, лекин тән җазасиниң хитай, шимали корейә, иран, сүрийә, русийә, куба, никарагуа, зембабувидәк дөләтләрдә давам қиливатқанлиқи тәклитләнгән.

Баятта, "хитай хәлқ җумһурийитидики шинҗаңда бир милйондин артуқ уйғур, қазақ, қирғиз вә башқа мусулман аз санлиқ милләтләр йиғивелиш лагерлирида халиғанчә тутуп турулуватқан болуп, уларниң қийин-қистаққа учриғанлиқиға даир нурғун докларлар бар" дейилгән. Баянатта тәкитлинишичә, америка һөкүмити "барлиқ васитиләрни ишқа селип, зиянкәшликкә учриғучиларниң һаятини вәйран қилидиған бу хил қилмишни садир қиливатқанларни җавабкарлиққа тартишта қәтий" икән.

Баянатта йәнә "барлиқ һөкүмәтләрни тән җазасиниң алдини елишқа, тән җазасида һаят қалғанларға төләм төләшкә вә саламәтликини әслигә кәлтүрүшкә, тән җазаси билән шуғулланғучиларни җавапкалиққа тартишқа чақиридиғанлиқи" билдүрүлгән.

Дуня уйғур қурултийиму шу күни баянат елан қилип, хитай һөкүмитини "шәрқий түркистандики қийин-қситақларға дәрһал хатимә беришкә" үндигән. Б д т ниң "тән җазаси вә һәр хил ғәйрий инсани муамилиләргә қарши туруш вә җазалаш әһдинамиси" 1987-йили 26-июндин башлап иҗра қилинишқа башлиған. Хитай бу келишимгә 1988-йили имза қойғаниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт