Amérika tashqi ishlar ministirliqi ten jazasi qurbanlirini xatirilesh künide lagérlardiki Uyghurlarni tilgha aldi

Muxbirimiz erkin
2020-06-26
Share

Amérika tashqi ishlar ministirliqi 26-iyun xelq'ara ten jazasi qurbanlirini xatirilesh küni munasiwiti bilen bayanat élan qilip, xitay lagérlirida qiyin-qistaqtiki Uyghurlarni tilgha alghan shundaqla ten jazasigha uchrighuchilarni dawalashqa, tölem töleshke we qiyin-qistaq bilen shughullan'ghanlarni jawabkarliqqa tartishqa chaqirghan. Bayanatta, dunyaning her qaysi jayliridiki ziyankeshlikke uchrighuchilar we hayat qalghuchilargha hörmet bildüridighanliqi, ularni qollaydighanliqi eskertilip, b d t ning ten jazasigha qarshi turush ehdinamisigha 166 dölet imza qoyghan bolsimu, lékin ten jazasining xitay, shimali koréye, iran, süriye, rusiye, kuba, nikaragu'a, zémbabuwidek döletlerde dawam qiliwatqanliqi teklitlen'gen.

Bayatta, "Xitay xelq jumhuriyitidiki shinjangda bir milyondin artuq Uyghur, qazaq, qirghiz we bashqa musulman az sanliq milletler yighiwélish lagérlirida xalighanche tutup turuluwatqan bolup, ularning qiyin-qistaqqa uchrighanliqigha da'ir nurghun doklarlar bar" déyilgen. Bayanatta tekitlinishiche, amérika hökümiti "Barliq wasitilerni ishqa sélip, ziyankeshlikke uchrighuchilarning hayatini weyran qilidighan bu xil qilmishni sadir qiliwatqanlarni jawabkarliqqa tartishta qet'iy" iken.

Bayanatta yene "Barliq hökümetlerni ten jazasining aldini élishqa, ten jazasida hayat qalghanlargha tölem töleshke we salametlikini eslige keltürüshke, ten jazasi bilen shughullan'ghuchilarni jawapkaliqqa tartishqa chaqiridighanliqi" bildürülgen.

Dunya Uyghur qurultiyimu shu küni bayanat élan qilip, xitay hökümitini "Sherqiy türkistandiki qiyin-qsitaqlargha derhal xatime bérishke" ündigen. B d t ning "Ten jazasi we her xil gheyriy insani mu'amililerge qarshi turush we jazalash ehdinamisi" 1987-yili 26-iyundin bashlap ijra qilinishqa bashlighan. Xitay bu kélishimge 1988-yili imza qoyghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.