Хитай һөкүмити чөчәкни нуқтилиқ тәрәққият райони қилип бекитти

2020-12-15
Share

15-Декабир күни хитай мәркизий һөкүмити мәхсус һөҗҗәт чиқирип, чөчәк шәһрини синақ тәриқисидә "нуқтилиқ тәрәқият райони" қилип ечиш һәққидики қарарини елан қилди.

"хитай хәвәрлири" ториниң 15-декабирдики хәвиридә ейтилишичә, хитай һөкүмити оттура асия райони билән болған һәмкарлиқни күчәйтиш, "бир бәлвағ бир йол қурулуши" ни техиму яхши давам қилдуруш, чегра районниң муқимлиқи һәмдә уйғур дияридики иҗтимаий муқимлиқ вә узунға созулған әминликни техиму яхши әмәлгә ашуруш үчүн бу қарарни қобул қилғаникән.

Мәлум болушичә, чөчәк райони нөвәттә биңтуәнниң контроллуқидики җайлардин болуп, хитай һөкүмитиниң бу қарари йәнә бир яқтин елип ейтқанда уларниң биңтуәнни техиму күчәйтиши үчүн хизмәт қилидикән.

Муһаҗирәттики бир қисим анализчилар бу һәқтә пикир қилип "хитай һөкүмитиниң бу хилдики тәрәққият районлирини ечиши йеңи иш әмәс. Шундақла һечқачан йәрлик уйғурларға иқтисадий мәнпәәт елип кәлгәнму әмәс" деди. Йәнә бәзиләр болса хитай һөкүмитиниң бу қетимқи һөҗҗитидә бу қарарни "иттипақлиқ вә муқимлиқниң муһим капалити" дегәнликигә асасән 1940-йиллардики "шәрқий түркистан җумһурийити" мәвҗут болған районларниң бири болған чөчәк шәһрини "тәрәққият райони" қилип ечишини "күчлүк сиясий муддианиму өз ичигә алиду" дәп қарайдиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт